Skip to main content
Wo thaka haara hua roz raat ko usi bench par jaake baith jata hai,
Jahan se usne din me aate jaate logon ko dekha hoga..

Aaj bhi farsh thanda hai,aaj bhi tan nanga hai.
Zameen ki dhool aksar naak me ghus jaati hai uske..
Bada se har pal badbu ati hai uske..
Kisi bandhe hue time table ki tarah,khane me kachre ki rotiyan,chips and biscuit milte hai use.

Paani to bahot hota hai Station'o par,magar khareedna padta hai,par rupaiyo aur uski dosti utni hi gehri hai jaise ram ki ravan se hogi!

Boond boond ki talab aur Mohtaazi saath me chalti hai,
Ha!Baarish ho jaaye to thoda chain padta hai,badan aur gala dono dhul jaate hain.

Rehne ko ghar,khane ko ann aur peene ko paani,
Bhale hi mushkil se mil pate hain..
Par aaraamfehmi bahot hai usme!

Shayad baithe baithe hi pura din nikaal de,use chinta nahi hoti na,hamari tarah..Ghar,Daftar aur Bhook ki!

Bhale hu bolne me wo humse piche ho par Soch me wo humse kaheen zyada aage hai,
Na kisi ke rang se faraq padta hai na kisi ke kad se,Bas Insaniyat pasand hai use..

Station par khadi tamaam Lauh-Chakra-Vahini me ruke hue logon ko dekhkar shayad yahi Asha karta hoga ki koi usse utar kar peeth par pyaar se haath pher de..

Patri par is paar baithke mai aksar us jaise tamaam dekhe hain!
Phir bhi sochti hu ki wo mujhe dekhkar kya sochta hoga!
Kaala badan,bhuri aankhe,lambi poonch aur latki hui zubaan liye,
Wo mujhe dekh kar kya Sochta hoga!?
...








Comments

Post a Comment

Popular posts from this blog

                                                Pani Puri  On a Wednesday evening i went with my husband to have pani puri, i wasn't much in the mood to have it but the husband wanted to and as he says i am the sarthi to him. We drove off in our WagonR and reached about 5 km away from our place near Birhana Road to have pani puri...oh so delicious pani puri, as my husband would call it. Now as I told you already I was in no mood to have it but I accompanied my husband so as I was standing near the thela of the gorgeous looking Pani Puri instantly my eyes went onto the gigantic hoarding of the marvellous Sonam Kapoor hoarding a necklace worth of crores and beneath that was a women standing in shattered clothes holding her frail daughter. There were at least 10 people gathered near the thela and eating the oh-so-lip-smacking puris but no one cared about that poor mo...
Post a Comment
Read more

Chetan Bhagat To Local Train.

Before starting to blog,a very important question that demands an answer is,Who Am I?.To start off,my name is Pankhuri Nigam hailing from Kanpur,Uttar Pradesh.Have done a decent amount of education and still doing it.. Well,I was in Mumbai for the year,2017.The city of dreams,the city of wishes.Honestly Speaking,it taught me a lot..i have heard it never sleeps..witnessed it too..things that signify Mumbai are Local trains and Rains,Believe you me,you get your half of the stories either in trains or rains. Or sometimes..both. And very recently While travelling from Kandivali to Dadar i discovered that maybe i could write!,So i got down into Dadar purchased a very classy diary which says "Everyday is an Adventure" Pretty fancy,right? Just by looking at this diary,i felt as if Chetan Bhagat had entered into my body. Yes,imagination ka level!! So,the very night i sit down to write something it was 10:15pm,half an hour later the page was still blank and the eyes...
5 comments
Read more

Meethi si Saheli

Rasgullo ki chaashni si, Dahi bhallo ki chatni si, Meri ek meethi si Saheli.. Bin baat ke hasne waali, Baat baat pe sisakne waali, Meri ek meethi si Saheli.. Angrezi me ladne wali, Dil ki baat maatrabhasha me karne waali, Meri ek meethi si Saheli.. Ghunghraale baalo me apne pal pal nakhun phasane waali, Hothon ke niche ke til par itraati ithlaane waali, Meri ek meethi si Saheli.. Shah Rukh Khan ki deewani wo, Mohobbatein si mohobbat karne waali, End Result me dhoka khake, Devdas si Dev banne waali, Meri ek meethi si Saheli.. Dibbe se Sheher me band, Sapne udaano ke bharne wali, Koshishe naakaam ho jaane par bhi, Saahas se ladne waali, Meri ek meethi si Saheli.. Practical me panne bharte hue khud ki yaad dilane waali, Exam room me zor zor se mera naam chillane waali, Meri ek meethi si Saheli.. College ke baahar ki laiya chap chap karke khane waali, Ghar par Maggi utne hi pyaar se makkhan daalke banane waali, Meri ek meethi si Saheli.. Mujhe kuch ...
1 comment
Read more