Skip to main content

Amaavas.

Ek din jab mai apni notebook ke piche waale panne par kuch gol gol lakire khich rahi thi,to tum yaad aa gaye..
Yaad aye wo saare vaade jo tumne haath thaam kar kisi shaam mujhse kiye the.
Jab tum kaha karte the,mere bina tumhari zindagi utni hi adhuri hai jaise chand ke bina aasmaan,shayad bhool gaye the tum ki Aasmaan kisi ek din bina chand ke bhi hota hai,jise amaavas kehte hain.Hoti ek hi raat hai..par kaali aur lambi..
Theek usi amaavas ki tarah,ek din aisa hi hamare rishte me bhi aya aur tumne mera haath chhod diya!

Shayad bhool gaye the tum ki ye haath sirf tumhe thaamne ke liye hi bane the,us din aisa laga jaise tum akele nahi gaye,palat kar jab tum jaane lage to tumhare paao ke saath mere paao ke nishan bhi the..
Kabhi pucha nahi tumse ki tum wapas aoge kya?
Mere haath ab bhi khali hain..

Inko dekhkar aisa lagta hai jaise inki lakire to mitayi ja sakti hain par tumhara naam nahi!
Bas yahi soch kar roz apne daftar se tumhare daftar tak ka safar karti hu,tumhe kaam karta dekh wapas mud jati hu.Ha!hamesha kaam nahi kar rahe hote ho tum,kisi ka haath thame baithe hote ho,aisa lagta hai tumhari zindagi me kabhi amaavas hi nahi.
Bahut ujala hai tumhare paas ya shayad us din jab tumne akhri baar haath milaya tha mujhse,to meri kismat ka "roshni wala hissa" chura ke le gaye the tum.

Chand dekhti hu to sochti hu,kya tumse pyaar karna galat tha?
Jin haathon par tumhare naam ki mehendi lagati thi aaj bas uski kaalik dikhti hai,kuch reh gaya hai piche to bas mere kaano me gunjti tumhari aawaaz,
Kya yaad reh gaya hai tumhe ki ab na meri subah hoti hai na shaam?
Bas..dopeher ho jaati hai zindagi ki,kaam aur thakaan se bhari!

Ek din subah ke 5:30 baje,kulfi khane ki zid ki thi tumse aur aur tum do ghante tak mujhe scooty pe bitha ke ghumte rahe the..mili nahi thi kulfi.
Mai wada karti hu,aisi koi zid dobara nahi karungi,kya wapas aa rahe ho?

Mere khule baalo ko sehlate hue jab tum apni orr mujhe kheech lete the,to mujhe acha lagta tha..
Aaj tak baal khule chhod rakhe hain maine,
Phir se sehlaoge?

Aisi tamaam baate,Sapne aur Lamhe jeene hain mujhe,kya wapas aoge?

Khair chhodo!Janti hu tum Videsh ja rahe ho,
Shayad nahi aa paoge.
Mujhe bas itna kehna tha tumse ki,

Jitna aasmaan mera hai,utna hi tumhara hai..
Jitni Amaavas meri hai,utni hi tumhari hogi!!



Comments

Post a Comment

Popular posts from this blog

                                                Pani Puri  On a Wednesday evening i went with my husband to have pani puri, i wasn't much in the mood to have it but the husband wanted to and as he says i am the sarthi to him. We drove off in our WagonR and reached about 5 km away from our place near Birhana Road to have pani puri...oh so delicious pani puri, as my husband would call it. Now as I told you already I was in no mood to have it but I accompanied my husband so as I was standing near the thela of the gorgeous looking Pani Puri instantly my eyes went onto the gigantic hoarding of the marvellous Sonam Kapoor hoarding a necklace worth of crores and beneath that was a women standing in shattered clothes holding her frail daughter. There were at least 10 people gathered near the thela and eating the oh-so-lip-smacking puris but no one cared about that poor mo...
Post a Comment
Read more

Chetan Bhagat To Local Train.

Before starting to blog,a very important question that demands an answer is,Who Am I?.To start off,my name is Pankhuri Nigam hailing from Kanpur,Uttar Pradesh.Have done a decent amount of education and still doing it.. Well,I was in Mumbai for the year,2017.The city of dreams,the city of wishes.Honestly Speaking,it taught me a lot..i have heard it never sleeps..witnessed it too..things that signify Mumbai are Local trains and Rains,Believe you me,you get your half of the stories either in trains or rains. Or sometimes..both. And very recently While travelling from Kandivali to Dadar i discovered that maybe i could write!,So i got down into Dadar purchased a very classy diary which says "Everyday is an Adventure" Pretty fancy,right? Just by looking at this diary,i felt as if Chetan Bhagat had entered into my body. Yes,imagination ka level!! So,the very night i sit down to write something it was 10:15pm,half an hour later the page was still blank and the eyes...
5 comments
Read more

Meethi si Saheli

Rasgullo ki chaashni si, Dahi bhallo ki chatni si, Meri ek meethi si Saheli.. Bin baat ke hasne waali, Baat baat pe sisakne waali, Meri ek meethi si Saheli.. Angrezi me ladne wali, Dil ki baat maatrabhasha me karne waali, Meri ek meethi si Saheli.. Ghunghraale baalo me apne pal pal nakhun phasane waali, Hothon ke niche ke til par itraati ithlaane waali, Meri ek meethi si Saheli.. Shah Rukh Khan ki deewani wo, Mohobbatein si mohobbat karne waali, End Result me dhoka khake, Devdas si Dev banne waali, Meri ek meethi si Saheli.. Dibbe se Sheher me band, Sapne udaano ke bharne wali, Koshishe naakaam ho jaane par bhi, Saahas se ladne waali, Meri ek meethi si Saheli.. Practical me panne bharte hue khud ki yaad dilane waali, Exam room me zor zor se mera naam chillane waali, Meri ek meethi si Saheli.. College ke baahar ki laiya chap chap karke khane waali, Ghar par Maggi utne hi pyaar se makkhan daalke banane waali, Meri ek meethi si Saheli.. Mujhe kuch ...
1 comment
Read more